प्रा. सूर्यकांत अमलपुरे यांना मुंबई विद्यापीठाची पी.एच.डी. पदवी प्रदान

कोलाड (श्याम लोखंडे) : कोलाड येथील तटकरे चॅरिटेबल ट्रस्ट संचालित डॉ.श्री.नानासाहेब धर्माधिकारी कला वाणिज्य व विज्ञान महाविद्यालयातील हिंदी विभागाचे प्रमुख प्रा. सूर्यकांत विश्वनाथ अमलपुरे यांना मुंबई विद्यापीठाची पी. एच. डी. पदवी नुकतीच प्रदान करण्यात आली.

प्रा.सूर्यकांत अमलपुरे यांनी अतिशय मेहनत करून कमी कालावधीमध्ये हे यश संपादन केले आहे. त्यांना त्यांच्या पी.एच. डी. साठी मार्गदर्शक म्हणुन डॉ. अनुपमा दिलीप धनावडे (माजी हिंदी विभागाध्यक्ष, डॉ. पतंगराव कदम आर्ट्स, कॉमर्स कॉलेज पेण )हे लाभले होते.त्यांच्या मार्गदर्शनाखाली “मोहन राकेश के साहित्य का मनोविश्लेषणात्मक अध्ययन” या विषयावर शोधप्रबंध सादर केला होता.

बाह्य परीक्षक म्हणुन डाॅ. सुनिल कुलकर्णी ( बहिनाबाई चौधरी उत्तर महाराष्ट्र विद्यापीठ जळगाव) डॉ. करुणाशंकर उपाध्याय (हिंदी विभाग, मुंबई विद्यापीठ ) डाॅ. अनिल सिंह (मानव्य विद्या शाखा प्रमुख मुंबई विद्यापीठ, प्रभारी प्राचार्य सोनू भाऊ बसवंत महाविद्यालय शाहपुर ) आदिंचे मार्गदर्शन लाभले.

प्रा. सूर्यकांत अमलपुरे यांनी अधिक परिश्रम करून अनेक उच्च पदव्या संपादन केल्या असून यामध्ये एम. ए, एम.फिल, एम.एड, नेट, पी एच.डी.पदव्या प्राप्त केल्या आहेत. त्यांनी हिंदी साहित्य क्षेत्रात मोठ्या प्रमाणात लेखन केले असून ५० शोध निबंध, ०३ पुस्तके २५कविता प्रकाशित झाले आहेत.

मुंबई विद्यापिठातून माईनर रिसर्च साठी २८०००/- फेलोशिप ही दिली गेली. महाविद्यालयीन स्तरावर १२ वर्षापासून अनेक विभागात कार्यरत आहेत. आजीवन अध्ययन व विस्तार विभाग अविष्कार रिसर्च विभाग, प्रसिद्धि प्रमुख म्हणून महाविद्यालयातील विविध वृतांत, बातमी लेखनाचे काम अशा विविध स्थरावर ते काम करीत आहेत.

त्यांच्या या यशाबद्दल संस्थेचे ट्रस्टी संदीपजी तटकरे संस्थेचे सर्व पदाधिकारी, महाविद्यालयाचे प्राचार्य डॉ. शंकर मुंडे व प्राध्यापक आणि प्राध्यापकेत्तर कर्मचारी तसेच कोलाड पंचक्रोशीतील असंख्य प्राध्यापक, माजी विद्यार्थ्यां यांनी सूर्यकांत अमलपुरे यांचे अभिनंदन करून पुढील वाटचालीसाठी शुभेच्छा दिल्या.