भारताचे माजी राष्ट्रपती प्रणव मुखर्जी कोमात : आर्मी रूग्णालयाची माहिती

नवी दिल्ली : भारताचे माजी राष्ट्रपती प्रणव मुखर्जी कोमात गेले आहेत. त्यांच्या प्रकृतीत अद्याप काहीही सुधारणा झालेली नाही. त्यांना व्हेंटिलेटरवरच ठेवण्यात आले आहे,
अशी माहिती आर्मी रुग्णालयाने दिली.  एएनआयने या संदर्भात ट्विट करुन माहिती दिली आहे.

9 ऑगस्टला त्यांची कोरोना चाचणी पॉझिटिव्ह आली होती. १० ऑगस्टपासून प्रणव मुखर्जी यांची प्रकृती बिघडली आहे.  १० ऑगस्ट रोजी त्यांच्या मेंदूत असलेल्या गाठीवर शस्त्रक्रिया करण्यात आली. मात्र तेव्हापासून त्यांच्या प्रकृतीत काहीही सुधारणा झालेली नाही. आता ते कोमात गेले आहेत असं आर्मी रुग्णालयाने स्पष्ट केलं आहे