मुंबई : रिया चक्रवर्ती हिला अभिनेता सुशांत सिंह राजपूत आत्महत्या प्रकरणातील मुख्य संशयित आरोपी म्हणून आज मंगळवारी अखेर अटक करण्यात आली. अंमली पदार्थविरोधी विभागानं (एनसीबी) ही कारवाई केली.
सुशांतच्या आत्महत्या प्रकरणाचा तपास सुरू असतानाच ड्रग्ज तस्करीचा मुद्दा समोर आला होता. त्याची चौकशी केल्यानंतर यात रिया चक्रवर्तीचं नाव समोर आलं होतं. याप्रकरणात तिची चौकशी सुरू होती. चौकशीच्या तिसर्या दिवशी म्हणजे मंगळवारी रियाला अटक करण्यात आली. सुशांतचा नोकर दीपेश सावंतच्या चौकशीतून रियाचे नाव पुढे आले होते. त्यानंतर एनसीबीने रियाला चौकशीस हजर राहण्याबाबत समन्स बजावले होते. त्यानुसार तिच्यावर ही कारवाई करण्यात आली.