मुंबई : युनियन बँक ऑफ इंडिया, पंजाब नॅशनल बँक, बँक ऑफ इंडिया, कॅनरा बँक, बँक ऑफ बडोदा आणि इतर बँकांमध्ये लिपिक पदाच्या भरतीसाठी इन्स्टिट्यूट ऑफ बँकिंग कार्मिक सिलेक्शन (आयबीपीएस)ने अधिसूचना जारी केली आहे. आयबीपीएस यावर्षी एकूण 1558 पदांसाठी कॉमन रिक्रूटमेंट प्रोसेससाठी उमेदवारांची निवड केली जाणार आहे. या पदांसाठी ऑनलाईन नोंदणी 2 सप्टेंबर म्हणजे आजपासून सुरू केली जात आहे.
आयबीपीएस लिपिक भरती 2020साठी ज्या उमेदवारांना अर्ज करावयाचे आहेत, त्यांनी आयबीपीएसच्या पोर्टल ibpsonline.ibps.in वर जाऊन नोंदणी करावा. लिपिक पदांच्या नोंदणीसाठी संस्थेने 23 सप्टेंबर 2020ची अंतिम तारीख निश्चित केली आहे. त्याचबरोबर उमेदवारांना 23 सप्टेंबर 2020पर्यंत लिपिक पदासाठी विहित अर्ज शुल्काचे ऑनलाइन पेमेंट करणे, त्यांच्या अर्जात बदल करणे आणि ऑनलाइन सादर केलेल्या अर्जाची प्रिंटाऊट घेता येईल.